5 أسباب تجعل كمبوند سراي لا يُقارن

عشان كل اللي يهمك هو مصلحة أولادك، وانك تقضي معاهم وقت لطيف وتكون متطمن على الـ Community اللي عايشين فيها، سراي جمعت كل مواصفات السكن المريح، وبيراعي كل احتياجات الأسرة من أول الموقع، انه قريب من مدارس الأولاد ومكان شغلك، والخدمات اللي بيقدمها اللي هيستفيد بيها كل أفراد الأسرة، ومساحات الوحدات المتنوعة عشان تناسب احتياجك و حجم أسرتك، والأسعار وخطة التقسيط المريحة.

الكمبوند يعني موقع

لأن أهم حاجة في الكمبوند موقعه، خصصت شركة مدينة مصر أميز قطعة  أرض لمشروع سراي، والموقع مميز لأنه على امتداد التجمع، وقريب من مدينة المستقبل والعاصمة الإدارية. موقع سراي يعتبر فرصة ممتازة لسكان مدينة نصر والتجمع و مصر الجديدة، لأنه هيبقى قريب من شغلك وأهلك  ومش هتبعد عن أصحابك ولا الأماكن اللي كنت متعود تروحها، بالعكس انت هتكون على مسافة أقصاها 25 دقيقة من نمط حياتك الطبيعي.

من مميزات موقع سراي كونه قريب من المراكز العقارية، والطرق الرئيسية اللي بتسهل على سكانه الوصول لأي مكان بسهولة، سراي على بُعد:

• 25 دقيقة من مدينة نصر

• 15 دقيقة من التجمع

• 10 دقايق من الجامعة الأمريكية (AUC)

• 10 دقايق من الطريق الدائري

• دقايق من مدينتي

• أمام هليوبوليس الجديدة

أمان مع شركة مدينة مصر للإنشاء والتعمير

من أهم أسباب انك تشتري في سراي هو اسم الشركة المطورة للمشروع، وهي شركة مدينة مصر للإنشاء والتعمير. 

شركة مدينة مصر اسم تثق فيه، بتاريخها العريق في العقارات من سنة 1959. من أهم أعمالها كمبوند سراي وكمبوند تاج سيتي. 

ومن أعمال الشركة العملاقة، استاد القاهرة الدولي، وجامعة الأزهر، والنصب التذكاري في مدينة نصر. شركة مدينة مصر اسم له ثقله في عالم العقارات، يعني تقدر تحط فلوسك فيها وانت متطمن.

حياتك في كمبوند سراي

سراي كمبوند راقي بيقدملك الهدوء والراحة على أعلى مستوي، وخدمات متكاملة عشان يسهل عليك حياتك. شركة مدينة مصر أنشأت سراي على مساحة 1200 فدان، واللي تم استغلالها بشكل ممتاز عشان راحة العملاء في سراي. عشان كدة هتلاقي في سراي كل الخدمات اللي ممكن تحتاجها، في مكان واحد وعلى بُعد دقايق منك:

• مركز طبي متخصص، عشان صحتك تكون في أمان.

• أكبر لاجون في القاهرة.

• Swimming Pools، بأحجام مختلفة عشان تناسب أفراد أسرتك.

• Clubhouse، تقضي فيه وقتك مع أسرتك.

• Mega Mall، بيوفرلك كل احتياجاتك.

• رجال أمن وكاميرات مراقبة على مدار الساعة.

• جراجات خاصة بسكان كمبوند سراي.

• مساحات مخصصة للمشي.

• مساحات خضراء على مساحة 82% من مساحة الكمبوند.

و كمان في سراي سهلنا عليك الحياة من احتياجاتك وطريقة حركتك من خلال ان احنا وفرنا لك شبكة اتوبيسات توصلك من الكمبوند لمدينة نصر ومصر الجديدة، والشبكة دي شغاله دلوقتي بالفعل وبتخدم المرحله الأولى من الكمبوند دلوقتي. 

تسهيلات الدفع في سراي

اهتمت شركة مدينة مصر في مشروعها سراي بالأسعار، وتوفيرأنظمة التقسيط المريحة؛ للتسهيل على عملاءها. بعد المزايا اللي ذكرناها في كمبوند سراي، وموقعه المميز، أقدر أقولك ان كموبند سراي بيقدملك قيمة حقيقة مقابل سعر بمتوسط 50,000 جم للمتر، واللي مقابل الخدمات المتاحة في سراي، والمزايا اللي البيوفرها لك هو سعر عادل.

شركة مدينة مصر بتقدملك أنظمة للتقسيط بتبدأ من 5% مقدم وأقساط على 8 سنين بدون فوائد، وكمان خصم 38% على الكاش، يعني شركة مدينة مصر بتعفيك من تكلفة التضخم وبتقدملك سعر عادل.

مساحات وأنواع الوحدات في سراي

لأن شركة مدينة مصر هي شركة عريقة في السوق المصري وعلى علم بنمط الأسرة المصرية واحتياجتها في المعيشة، وفرتلك أنواع مختلفة من الشقق كتقسيمات ومساحات مختلفة تناسب طبيعة و حجم أسرتك، لأن دايمًا الأسرة المصرية لها احتياجات أساسية في التقسيمة الداخلية للشقة من حيث  الإنارة  والتهوية، شركة مدينة مصر حافظت على ده في كل أنواع الشقق من أول الاستوديو، والشقق السكنية، والدوبليكس، إلى الفيلات.  بمساحات تبدأ من 65 متر للشقق، و180 متر للفيلات. 

كمبوند سراي، وإن صح يُقال عنه كمبوند، هو مدينة متكاملة بمساحتة الكبيرة، يتوافر فيه كل أنواع الخدمات والراحه اللي تناسب حياتك وحياة أسرتك من غير متبعد عن حياتك، أو شغلك، أو مدارس أولادك. علشان تحجز شقتك اضغط على الزرار الأزرق، وسجل بياناتك؛ علشان تعرف المساحات اللي تناسبك، والمزايا اللي هتحصل عليها لما تسكن في سراي.