إزاي تستثمر في أولادك

أولادك هم أكبر وأهم استثمار ليك في الحياة، استثمار مادي ومعنوي، بتستثمر فيه وقت وحب واهتمام وإمكانيات مادية عشان توفر لهم كل احتياجاتهم، وكل أملك تشوف نجاحهم وسعادتهم في حياتهم. وعشان توصل لنتيجة تعبك ده انت محتاج تقدم شوية حاجات في الأول، أول حاجة البيت اللي هيكبروا فيه، وتاني حاجة المدرسة اللي هيتعلموا منها. 

مكان السكن ليه تأثير كبير على أولادك وسلوكياتهم

البيت اللي بتختاره عشان تأسس فيه أسرتك هو البذرة الأولى في استثمارك في أولادك؛ لأن البيت هو أكتر مكان بيقضي في أولادك وقتهم سواء معاك أو من غيرك، عشان كدة لازم تختار البيئة اللي عايز أولادك يكبروا فيها؛ لأنهم بيتأثروا في سنواتهم الأولى بالمحيط اللي بيكبروا فيه. يعني لو عايز أولادك يكونوا هاديين لازم المكان اللي بيكبروا فيه يكون هادي، لو عايزهم يكونوا منظمين لازم يكبروا في نظام، قيس على كدة كل الصفات اللي حابب تشوفها في أولادك لما يكبروا. أولادك في أول حياتهم هيتأثروا بأي سلوكيات محيطة بيهم أو هيشوفوها تحصل وبتتكرر قدامهم. 

وهنا يكون دورك توفرلهم مكان سكن في مجتمع وسط الهدوء والراحة.

التعليم هو السلاح الفكري اللي بتقدمه لأولادك

التعليم هو السلاح الفكري اللي بتأمن بيه أولادك فكريًا ضد أفكار كتيرة وغريبة هيواجهها قدام، فلازم تكون متأكد ان عنده مقدرة التفريق بين الصح والغلط. نوع التعليم والمدرسة اللي بتختارهم لأولادك، من أهم القرارات اللي لازم تفكر فيها كويس؛ لأن المدرسة ليها نفس تأثير البيت على أولادك؛ لأنها تاني مكان بيقضي فيه أولادك وقتهم، والخطورة ان الوقت ده بيكون من غيرك، وبالتالي انت مسؤول انك تختارلهم أفضل اختيار تكون متطمن عليهم بدنيًا، ومتطمن من الأفكار والقيم اللي هتتقدم لهم في المدرسة. 

أولادك هم مركز حياتك، وهم النبتة اللي بتتعب عليها عمرك كله، وبيهمك راحتهم أكتر من أي حاجة. مكان السكن والمدرسة مش العوامل الوحيدة اللي بتشكل أولادك أكيد، ولكن هما أكبر وأهم عاملين؛ لأن ليهم التأثير الأكبر عليهم خاصة في سنواتهم الأولى.

عشان تعرف إزاي تأمن مستقبل أولادك ماديًا، وإيه أفضل فرصة استثمار تقدر تأمن نفسك وتأمنهم بيها، استثمر عشان أمان أولادك.