4 خطوات علشان يكون بيتك Smart Home

المنزل الذكي أو Smart Home، هو مصطلح تم إطلاقه على المنزل اللي بيتم فيه استخدام أجهزة لاسلكية أو سلكية مترابطة عن طريق الإنترنت؛ علشان تتحكم في كل أجهزة بيتك عن بُعد؛ علشان يقدملك أقصى درجة من درجات الراحة والرفاهية؛ لأنك من مكانك هتقدر تتحكم في أقفال الأبواب، وأجهزة التلفزيون، وأجهزة تنظيم الحرارة، وشاشات المنزل، والكاميرات، والأضواء، وحتى الأجهزة مثل الثلاجة والغسالة، من خلال نظام واحد. 

آلية المنازل الذكية:

أجهزة المنزل الذكي بتكون مربوطة ببعضها وتقدر تتحكم فيها من مكان واحد سواء - موبايل أو لابتوب أو تابلت. بيكون عبارة عن نظام أو system بتثبته على الموبايل أو أي جهاز تاني متصل بالشبكة، وتقدر تعمل جداول زمنية (schedule)، لتفعيل بعض التغييرات، بدون ما تضطر تعملها كل مرة.

الأجهزة المنزلية الذكية مزودة بمهارات التعلم الذاتي؛ علشان تقدر تتابع طريقة استخدامك للأجهزة، وبالتالي تقدر تقلل استخدام الكهرباء، وتوفر في استهلاك الطاقة. 

إزاي بيتك يكون Smart؟

علشان بيتك يكون Smart، من أهم الأجهزة اللي هتحتاجها في بيتك هي أجهزة المراقبة؛ لأنك هتقدر بفضل الهواتف الذكية والإنترنت تراقب وتتحكم في البيت من أي مكان. تاني System هو الإضاءة الذكية؛ علشان تقدر تظبط شدة ولون الإضاءة، من الكمبيوتر اللي معاك أو حتى من الموبايل. وأكيد حياتك هتكون أسهل بكتير لو قدرت توفر في بيتك أجهزة منزلية ذكية، زي الغسالات والثلاجات وشاشات التليفزيون، اللي بتقدر تتحكم فيها من مكانك وكمان تقدر تتبع أستهلاكها للطاقة. مفيش غنى دلوقتي عن الباب الذكي؛ لأنه بيوفرلك الحماية انت وعيلتك؛ لأن نظام المراقبة بينبهك في حالة وجود أي حركة غريبة في البيت وانت مش موجود، أو حتى تتصل بالجهات المعنية، الشرطة والإطفاء. 

مميزات المنازل الذكية:

1. توفير الطاقة: التكنولوجيا المتقدمة اللي بتعتمد عليها المنازل الذكية بتوفر طاقة وبتقلل من فواتير المرافق.

2. الأمان: الـ Smart Homes بتوفرلك إحساس الأمان بسبب أنظمة الأمان والإنذار، وبتقلل من خطر السرقة.

3. الراحة والرفاهية: المنازل الذكية هتقدملك راحة؛ لأنك بتقدر تدير كل حاجة في البيت من مكانك.

4. التخصيص: المنازل الذكية بتديك مطلق الحرية ان بيتك يبقى Personalized  حسب اللي يناسبك.

في النهاية، أقدر أقولك ان المنازل الذكية هي المستقبل وانها بتمثل قمة الرفاهية والحياة الحديثة، وبتقدملك الراحة والأمان؛ لأنها بتسهل عليك المهام اليومية اللي ممكن تستهلك وقت يومك.