استثمر في الدولار ولا عقار؟

لكل المهتمين بالاستثمار، لو كنت بتقارن بين الاستثمار في الدولار أو العقارات، هنساعدك تعمل المقارنة وتاخد القرار. وأيًا كان قرارك، فالقرار الأهم انك تبدأ استثمارك في أسرع وقت علشان تقلل من الخساير اللي ممكن تخسرها لو سيبت فلوسك كاش. ومتنساش ان نتيجة الاستثمار الحقيقية هي انك تعيد استثمار فلوسك في أكتر من مصدر؛ لأن مفيش ثروة بتيجي من الدخل الشهري الثابت.

ويبقى السؤال الأساسي والأول اللي هيجي في بالك، استثمر فلوسي في الدولار ولا في العقارات؟

بعد الارتفاع الكبير اللي حصل في أسعار الدولار في الفترة الأخيرة، وعدم وجوده في البنوك، ورجوع سعره تاني في الفترة الأخيرة، وبناءً عليه سعر الدولار غير المستقر دلوقتي هيتسبب في أرباح وخسائر متكررة، وممكن الخسائر تكون أكبر من المكسب أحيانًا، وبالتالي استثمارك في الدولارت بيمثل خطورة على رأس مالك اللي بتستثمره.

في المقابل لو قارننا أسعار العقار في نفس الفترة، هنلاقي ان سعر أي عقار، على اختلاف أنواعه (عقار سكني-تجاري-إداري-سياحي)، في زيادة مستمرة وبيحقق أرباح كبيرة، وده اللي بيفسر اتجاه أغلب الناس للاستثمار في العقارات حتى في فترات ارتفاع الأسعار؛ لأن الاستثمار في العقارات مضمون؛ علشان سعر العقار لا يمكن يقل؛ لأنه مرتبط بعدد السكان وكل ما كان عدد السكان في زيادة سعر العقار بيزيد معاه. من أفضل أنواع العقارات اللي تقدر تستثمر فيها فلوسك، هي المكاتب الإدارية والعيادات؛ لأنك بتقدر تأجرها وتكون سبب في إضافة دخل شهري ليك بدون مجهود منك.

وبالنسبة للوقت المناسب لاستثمارك في العقارات، فمفيش وقت مناسب علشان تشتري عقار، لكن في وقت مناسب علشان توقف خسارة وتبدأ تكسب، وتخلبي فلوسك تشتغل علشانك من استثمارك في العقارات؛ علشان كدة كل ما استثمرت فلوسك بدري كل ما مكسبك كان أكبر.