لماذا يموت الأطباء مبكرًا؟

الطب من أسمى المهن في الحياة، لكن الأطباء بيدفعوا تمن مهنتهم غالي أوي، من وقتهم لنفسهم، ووقتهم مع أهلهم، والأهم من كدة صحتهم؛ لأن يومهم بيتوزع بين المستشفى والعيادة، والمؤتمرات الطبية والمذاكرة طول الوقت عشان يفضل على علم بالتطورات اللي بتحصل كل يوم.

الصورة النمطية عن الدكاترة انهم بيهتموا بصحتهم، وده حقيقي، هما فعلًا بيحاولوا، لكن اللي بيتعرض ليه الأطباء في مختلف مجالات الطب بيعرضهم لأمراض وضغوط نفسية، ده غير ان معظم الأطباء بيعانوا من الأمراض المزمنة، زي التهاب المفاصل، وأمراض القلب، وأكيد مرض العصر، السكري. كل ده وأكتر بيعاني منه معظم الأطباء في مصر، ويكاد يكون في العالم كله، بسبب الوقت الكبير اللي بيقضوه بين المستشفيات والعيادات.

في المقال هنعرفك على المخاطر والأمراض اللي غالبًا هتعاني منها لو منفذتش النصائح اللي هتكون في آخر المقال.

أمراض الدم:

من أخطر الأمراض اللي ممكن يتعرضلها الدكتور هي أمراض الدم، زي فيروس التهاب الكبد الوبائي C وفيروس الإيدز،واللي ممكن تتنقله بمنتهى السهولة؛ بسبب الآلات الحادة اللي بيتعامل معاها كل يوم بشكل مستمر زي المشرط أو الإبرة في المستشفى وحتى العيادات.

أوضاع الجسم غير الصحية:

ممكن تفتكر ان الكلام ده لأطباء الأسنان والجراحين، وده حقيقي هم الأكثر معاناة مع آلام الرقبة والظهر وآلام المفاصل الحادة. لكن الحقيقة ان كل الأطباء معرضين لنفس الأمراض والألم بسبب الوقت اللي بيقضوه في المستشفيات، والعيادات اللي بيتطلب انحناء ظهورهم بشكل مستمر والجلوس لفترات طويلة، وده اللي بيسبب آلام الظهر والكتف والجذع المستمرة.

بسبب كدة هتلاحظ دايمًا في المناسبات والأفراح ان الدكاترة بيبان عليهم السن أكتر من باقي الحضور، وانحناء الظهر.

المخاطر النفسية والأسرية:

للأسف صديقي الدكتور مخاطر مهنة الطب مش مخاطر جسدية بس، لكن ليها تأثير سلبي كبير أوي على نفسية الأطباء، معظم الأطباء ان لم يكن كلهم بيعانوا من التوتر والقلق المزمن؛ بسبب تعاملهم المستمر مع المرضى، استمرار التوتر كمان بيعرض الأطباء للاحتراق الوظيفي، وده اللي بيسب الإنهاك المزمن وتراجع كفاءة الطبيب، اللي بيعرض مستقبل للخطر وممكن يدمره. كل ده بسبب انعدام النوم، وان الدكتور مش بيهتم يخصص وقت لنفسه ولأسرته.

معظم الأطباء مش بيقدروا يعملوا موازنة بين الشغل والوقت اللي لازم يخصصوه لأسرهم، عشان كدة حوالي 30% من الأطباء مطلقين أو منفصلين عن أزواجهم، وده اللي بيهدد مرة تانية استقرارهم النفسي واستقرار أولادهم.

إزاي تتجنب مخاطر مهنة الطب؟

محدش يقدر ينكر أهمية الأطباء في حياتنا كلنا، هم الجيش الأبيض اللي بيحموا الناس من الأمراض. لكن صديقي الدكتور مش هتقدر تعمل ده وانت معرض لكل المخاطر دي اللي بتهدد حياتك الشخصية والمهنية كمان، عشان كدة لازم تنفذ النصائح دي قدر المستطاع عشان تقدر تحافظ على حياتك:

1-    ممارسة التمارين بقدر المستطاع، وتناول الأكل الصحي غير المصنّع.

2-    الحصول على وقت كفاية للنوم، وعدم استخدام الموبايلات أو أي أجهزة آخر اليوم.

3-    المشاركة مع زمايلك من الأطباء بشكل مستمر لتخفيف التوتر.

4-    خصص وقت للاسترخاء، وفصل الشغل عن الحياة الشخصية والأسرة.

5-    خد أجازات من وقت للتاني بشكل منتظم، مع أسرتك عشان تحافظ على علاقتك بيهم.

النصيحة الأخيرة والأهم، انك تعمل خطة إزاي تقدر تتقاعد قبل سن الخمسين، ويكون ليك مصدر دخل يوفرلك دخل إضافي وثابت تعتمد عليه وتبقى بتشتغل معاك، عشان تقدر ترتاح من ضغط المجال الطبي والتوتر المستمر اللي بتتعرضله بكل يومي، وبسببه تقدر تخصص وقت لأولادك عشان تحافظ شوية على علاقتك بيهم، ومتتأثرش بشكل سلبي.

أضمن استثمار يحققلك الدخل الثابت ده هو الاستثمار في العقارات، خاصة العقارات المنتجة للدخل، زي العيادات والمكاتب الإدارية والشاليهات، اللي تقدر تأجرها، وتعتمد على إيجارها بشكل أساسي.