للمغتربين، لا تبحث عن وظيفة بعد رجوعك لبلدك

لو كنت بتفكر ترجع بلدك قريب، لازم تاخد استعداداتك كويس، وتخطط لحياتك ما بعد الرجوع هتكون عاملة إزاي، وتفكر هتعمل ايه، وهتعيش إزاي؟ على قد ما قرار رجوعك بلدك بعد سنين الغربة دي حلو وانت مستنيه من أول لحظة سافرت فيها؛ عشان تعوض الوقت اللي فاتك مع عيلتك، إلا انه قرار صعب ومحتاج ترتيبات. 

في المقال ده هوضحلك ايه الحلول اللي ممكن تعتمد عليها عشان تقدر ترجع بلدك وانت متطمن.

مشاكل هتقابلك بعد ما ترجع بلدك

من أول المشاكل اللي هتقابلك لما ترجع بلدك، هي انك تلاقي فرصة عمل مناسبة، وده بيرجع لأكتر من سبب، أولهم الخبرة اللي انت اكتسبتها في سنين، هيكون من الصعب انك تلاقي وظيفة بنفس الراتب الشهري، ونفس المزايا الوظيفية؛ لأن الاحتياج للمديرين بيكون أقل من الموظفين العاديين، تاني سبب هو عدم وجود شبكة علاقات مهنية قوية، تساعدك تلاقي وظيفة مناسبة ليك. الأسباب السابق ذكرها ممكن تؤدي إلى انك تفضل فترة من غير وظيفة، واللي صعب جدًا في الظروف الاقتصادية دي تفضل من غير شغل، أو انك تضطر تقبل أي وظيفة، وفي الحالتين أكيد مش ده الحال اللي انت نفسك توصله بعد السنين دي. 

ممكن يجي في بالك حل من اتنين، الأول، انك تغير مسارك الوظيفي، وده حل صعب جدًا؛ لأن أكيد مش هتقرر تلغي مجهود السنين اللي تعبت فيها، وتبدأ من الصفر تاني. الحل التاني هيكون انك تبدأ مشروع خاص، أو تحط فلوسك في مشروع قائم بالفعل، والحقيقة هتلاقي ناس كتير بتشجعك على كدة، لكن انك تحط مبلغ كبير في مكان واحد خطر جدًا، والخطر الأكبر لو المشروع ده مش في مجالك، ومعندكش فيه خبرة كفاية انك تديره، وفي الحالة دي لو قررت تسلمه لحد يديره عنك، فانت خسرت كل تعبك طول السنين دي.

امتى تقرر ترجع بلدك وانت متطمن

لكل مشكلة حل، وحل مشكلتك بسيط، وهو انك تستثمر فلوسك في عقار وتأجره، سواء كان مكتب إداري، أو محل، أو حتى عيادة طبية. العقار هيكون مصدر دخل شهري ثابت ليك تقتدر تعتمد عليه من غير أي مجهود منك. عشان تقدر تحقق لتفسك الدخل الثابت ده وتعوض سنين سفرك وبُعدك عن أهلك، استغل الفرصة اللي بتقدمهالك الشركات العقارية في مصر وقسّط العقار اللي تختاره على أطول فترة سداد، وخلي بالك ان المكسب الحقيقي من الاستثمار في العقارات، هو الاستثمار في المكاتب الإدارية، والعيادات والمحلات التجارية، ولا مش لازم تكون دكتور عشان تستثمر في عيادة. وبكدة تكون فلوسك اشتغلت معاك وعشانك. 

حل الاستثمار في العقارات ساحر؛ لأنه مش بس هيسعادك تحافظ على فلوسك، وتعب السنين بس، لا انت كمان هتقدر تكون متطمن؛ لأن مجال العقارات واسع، وتقدر تستثمر فلوسك في أكتر من عقار، وده هيحققلك أمان إضافي وربح أكبر.

وبكدة يكون استثمارك في العقارات أغناك عن فكرة الوظيفة بعد ما ترجع وحققلك الحرية المالية، اللي هتخلقلك الفرصة عشان تفكر وتلاقي فرصة العمل المناسبة ليك، ده في حالة انك قررت تشتغل.