لا تستغن عن الريسبشن 3 قطع، إلا لو ...

نمط الأسرة المصرية عادةً بيميل للمساحات الواسعة في الشقق السكنية؛ بسبب طبيعة الأسرة وعدد أفرادها. وأغلب الأسر المصرية بتفضل الريسبشن يكون 3 قطع، صالون، وسفرة، وliving، علشان بطبعنا بنحب اللمة والضيوف. وبالتالي صعب تتخلى عن الريسبشن الواسع إلا في حالة واحدة بس، وهي انك تختار شقتك تكون في كمبوند، والحقيقة انك ممكن تستغنى عن قطعة من الريسبشن في مقابل الخدمات اللي بيوفرهالك الكمبوند.

أول ميزة هتدركها لما تشتري شقتك في كمبوند، انك بتملك مساحة الكمبوند مش مجرد الشقة بس؛ لأنك بتستفيد من كل الخدمات اللي بيقدمهالك من مساحات خضرا وغيره، اللي تقدر تخليك تستغنى عن قطع من الريسبشن، الكمبوند بيقدملك الـ Clubhouse اللي ممكن بيعوضك عن فكرة وجود الصالون، وخلينا متفقين ان الصالون قطعة مش عملية في البيت، وأهميته بتكون بس لاستقبال الضيوف لكن في الحقيقة احنا مش بنستخدم الصالون إلا نادرًا، علشان كدة ممكن تخلي كل عزوماتك في الـ Clubhouse. 

متستغناش عن الـ Living Area أبدًا

الـ Living Area تعتبر أهم مكان في بيتك؛ لأنه بيجمعك مع عيلتك علشان تفضل محافظ على علاقتك بيهم، لازم تحافظ ان بيتك يكون فيه Living Area تتجمع فيها مع عيلتك آخر كل يوم، وتتكلموا في أحداث يومكم، أو تتفرجوا على فيلم سوا، أو أي نشاط تاني المهم انكم تتجمعوا مع بعض؛ علشان كدة الـ Living Area من أهم الأماكن في بيتك، اللي لازم تراعي انه يكون مريح لي ولأسرتك.

وبكدة أكون شرحتلك إزاي تقدر تستغنى عن القطعة الثالثة من الريسبشن في بيتك، وان الكمبوند عوضك عنها بالخدمات اللي بيقدمهالك.