دليلك عن الاستثمار في العقارات

ليه تستثمر في العقارات؟

الاستثمار العقاري في الفترة الأخيرة هو الحل اللي بيفضله كتير من الناس، عن الاستثمار في الأوراق المالية مثلًا أو الدهب، اللي أسعارهم كل يوم بتتغير وفيهم مخاطرة عالية، مقارنةً بالأمان اللي في السوق العقاري؛ لأن سوق العقارات بيتأثر تأثير إيجابي بارتفاع سعر الدولار، كل ما سعر الدولار يزيد كل ما قيمة العقار بتزيد.

من ضمن مميزات الاستثمار في العقارات، ان السوق العقاري على علاقة طردية بعدد السكان، يعني كل ما عدد السكان بيزيد، قيمة استثمارك في العقارات هتزيد، لأن العقارات في الحالة دي هتتسم بالندرة؛ ولأن عدد السكان في زيادة مستمرة يوم عن يوم، فاستثمارك في العقارات أمان؛ لأن قيمته هتزيد يوم بعد يوم.

أنواع العقارات: 

الاستثمار في العقارات أكتر من نوع، وكل فرصة استثمار منهم ليها مزايا خاصة بيها.

• أول فرصة هي الاستثمار في العقارات السكنية بمختلف أنواعها (شقق – تاون هاوس – فيلات)، تقدر تستثمر في أي نوع منهم يكون متناسب معاك.

• الاستثمار في الشاليهات بيكون العائد بتاعه عادةً موسمي في فصل الصيف لكن بيكون كبير؛ لأنه بيتأجر بشكل يومي، وشهريًا بيكون العائد بتاعه أكبر من عائد إيجار الوحدة السكنية.

• أفضل فرصة في الاستثمار في العقارات، هي الاستثمار في الوحدات الإدارية والتجارية، الاستثمار فيهم بيحتاج ميزانية أكبر، لكن العائد بيكون أكبر ونقدر نقول ان هو المكسب الحقيقي من الاستثمار في العقارات. غالبًا الاستثمار في العقارات التجارية والمكاتب الإدارية بيكون في مولات متخصصة متكاملة الخدمات، وتقدر تختار مساحة مناسبة للمبلغ اللي هتستثمره. 

من أفضل المشروعات اللي تقدر تستثمر فيها فلوسك، هو مشروع Yellow Lane، في التجمع. Yellow Lane مشروع تجاري وإداري وطبي ضخم، ميزة المشروع انه بيقدملك مباني متخصصة للعيادات والمكاتب الإدارية، واللي بيرفع من قيمة استثمارك. Yellow Lane بيقدملك مساحات مختلفة تناسب استثمارك، تقتدر تمتلكها بالتقسيط على أطول فترة سداد، عشان متسيبش فلوسك كاش تحت أي ظرف. كمان لوكيشن المشروع مميز في آخر قطعة أرض في التجمع، وبالقرب من العاصمة الإدارية الجديدة.

إزاي تكسب من الاستثمار في العقارات؟

عشان تستفيد من استثمارك في العقارات بأحسن شكل، لازم يكون موقع العقار من أولويات اختيارك للعقار؛ لأن موقع العقار هو الجوكر اللي بيحدد قيمته. موقع العقار المميز، يعني قربه من الخدمات وسهولة الوصول ليه بتترجم لفلوس، يعني كل ما كان الموقع سهل الوصول ليه، وقريب من الخدمات كل ما قيمته زادت وبالتالي قيمة استثمارك هتزيد، وهيكون سهل عليك تأجره أو تبيعه بسعر أعلى. 

في كل الأحوال وأيًا كان اختيارك لنوع الاستثمار العقاري، يكفي انك تاخد القرار بسرعة وتبدأ تستثمر فلوسك عشان تحافظ على قيمتها الشرائية، وتكسب من استثمارك في العقارات في حالة قررت تبيع العقار أو تضمن دخل شهري بدون أدنى مجهود منك لو قررت تأجره، وبكدة هتكون بتحمي نفسك من التضخم، وتأمن مستقبل أولادك، وتقدر تواكب زيادة الأسعار.