خطة للتقاعد قبل سن الـ 50

لو كنت مغترب لسنين طويلة وبتدور على طريقة تستفيد بيها من مدة غيابك عن أهلك، المقال ده ليك. هوضحلك في المقال ده إزاي تقدر تتقاعد وتقضي وقت أكتر مع أهلك وتعوضهم عن غيابك لما ترجع مصر.

أهمية عمل خطة لتحقيق الثروة

لازم يكون عندك خطة واضحة ومنطقية، بأرقام وتواريخ محددة عشان تقدر تتقاعد قبل سن الـ 50، لأن تحقيق النجاح والثروة مش بالحظ، وعلى قدر المستطاع كل ما تبدأ في تنفيذ الخطة بدري كل ما كان هدفك أقرب وتقدر توصله أسرع. لازم يكون هدفك من الخطة واضح قدام عنيك وطريقتك فيها هو انك تخلي فلوسك تشتغل معاك. ومتنساش الخطر اللي بيحوم حواليك دايمًا وهو انك ترجع مصر بشكل اضطراري ومفاجئ، وانك لازم تكون مستعد في أي وقت. لازم تخصص جزء من مرتبك الشهري للاستثمار، على الأقل 20% منه، وخليك دايمًا فاكر ان مفيش ثروة بتحقق من المرتب، وان الفلوس الكاش أهميتها بس للطوارئ، لكن قيمتها دايمًا بتقل مهما كان نوع العملة.

اعرف أكتر عن المشاكل اللي بتواجه المغتربين عند العودة إلى مصر، 

الحل المثالي للمغتربين

استثمارك في العقارات هو أفضل حل هيسهل عليك تحقق دخل سلبي، وهو ان يكون ليك دخل شهري ثابت بدون مجهود منك، يعني مش هتضطر ترجع تدور على شغل تاني؛ لأن زي ما اتفقنا الفلوس الكاش قيمتها بتقل على عكس العقارات اللي يوم عن يوم قيمتها بتزيد، بالتالي انت كمان فلوسك بتزيد، خاصة وان سعر الدولار والذهب مش مستقر. تحقيقك للدخل السلبي من العقارات هو الطريق الأسهل بالنسبة ليك كمغترب، بسبب فرق العملة اللي هيساعدك بشكل أساسي في امتلاك عقارات، وأنظمة التقسيط المريحة اللي بتقدمها أغلب شركات التطوير العقاري في مصر حاليًا.

المكسب الحقيقي من الاستثمار في العقارات، هو الاستثمار في المكاتب الإدارية والمحلات التجارية، فكر في مستقبلك وانت بتمتلك مكتب إداري أو محل تجاري ومتأجرين بالفعل بحد أدني 50,000 جم شهريًا، يعني انت في ظرف سنة هتكون عوضت تكلفة المكتب أو المحل، وتبدأ تكسب من استثمارك بشكل يغنيك عن الشغل.

وبكدة نكون وضحلنا لك الطريقة الأمثل عشان تستفيد من مجهود السنين اللي تعبت فيها، وتقدر تتقاعد في وقت مبكر، وتعوض سنين الغربة مع أهلك، وتقضي معاهم وقت أكتر، وتجني ثمار تعبك من السفر.