الأطباء الأكثر عرضة للموت المفاجئ بسبب الاحتراق الوظيفي

ما هو الاحتراق الوظيفي؟

الاحتراق الوظيفي هو توتر بسبب الشغل تحت ضغط شديد، والعمل لساعات طويلة، وبيسبب الإرهاق النفسي والبدني، وبيؤدي انك تشعر بعدم الفائدة والعجز والفراغ. والجديز بالذكر ان الإنهاك الناتج عن الاحتراق الوظيفي لا يمكن تشخيصه بالفحص الطبي.

كل الوظائف والمهن بتعاني من الاحتراق الوظيفي بمستوى معين، لكن من أكثر المهن اللي بتعاني من الاحتراق الوظيفي هم الأطباء بشكل عام، خاصةً أطباء الأسنان والجراحين؛ بسبب الضغط المستمر والتعامل مع المرضى طول الوقت، وان وقتهم متقسم بين المستشفى والعيادة طول الأسبوع، غير المؤتمرات الطبية اللي بتتطلب أحيانًا السفر برا مصر. ده غير ان الأطباء ممكن يواصلوا شغل لفترات طويلة من غير أجازات أو وقت يقضوه مع أولادهم، ده اللي بيحطهم تحت ضغط مستمر طول الوقت، وبيأثر عليهم وعلى حياتهم بشكل سلبي.

إزاي أعرف لو بعاني من الاحتراق الوظيفي؟

لو كنت طبيب فانت غالبًا بتعاني من الاحتراق الوظيفي، لكن بالتحديد لو بتحس بحمل تقيل وانت رايح الشغل وتحس انك مش عايز تروح، او بتفتقد للطاقة في التعامل مع المرضى، أو بتحس بصعوبة في التركيز، لو عندك مشكلة في النوم، أو بتحس باضطرابات في المعدة.

لو بتحس بأي حاجة من الحاجات دي، يؤسفني أقولك انك بتعاني من الاحتراق الوظيفي ولازم تعيد ترتيباتك في أقرب فرصة وتحاول تستشير طبيب نفسي.

هل يؤدي الاحتراق الوظيفي إلى الموت المفاجئ؟

بشكل مباشر لا، لكن استمرار التوتر والضغط نتيجة الاحتراق الوظيفي، اللي بيعاني منه كل الأطباء، بيؤدي لارتفاع ضغط الدم، وده واحد من أسباب الموت المفاجئ. ارتفاع ضغط الدم بيضر بالإنسان ببطء على مدار سنوات، وإذا متعالجش بشكل سريع ممكن يسبب إعاقة أو سكتة دماغية أو نوبة قلبية وبالتالي الموت المفاجئ.

يعني على قد ما يظهر الاحتراق الوظيفي كلمة بسيطة، وممكن يكون مش سبب مباشر للموت المفاجئ، لكن في الحقيقة الاحتراق الوظيفي بيؤدي للموت المفاجي.

صديقي الدكتور، فاقد الشئ لا يعطيه، مهنتك بتتطلب منك مجهود كبير وعطاء أكبر، بالتالي لازم تحافظ على نفسك عشان تقدر تساعد اللي حواليك. في حالات تانية هنصحك بتغيير الوظيفة، لكن أظن ان معندكش استعداد بعد مجهود السنين اللي فاتت انك تخسر كل ده.

إزاي اتعامل مع الاحتراق الوظيفي؟

النصيحة الأولى للتعامل مع الاحتراق الوظيفي، انك تعرف ان الإنهاك الوظيفي غالبًا بيكون بسبب حاجات خارج سيطرتنا.

تاني نصيحة انك تعيد ترتيب أولوياتك، من حيث أهمية الشغل في حياتك، هل بتشتغل عشان تعيش كويس؟ ولا بتعيش عشان تشتغل بس؟

ثالث نصيحة وأهمهم، افصل بين حياتك الشخصية ومهنتك اللي انت بتحبها، لازم تخصص وقت لنفسك تقضيه في مكان هادي بعيد عن أي توتر، ولازم تخصص وقت تقضيه مع أسرتك وتعوضهم عن انشغالك عنهم طول الفترة اللي فاتت.

رابع نصيحة، انك تدور على نشاط يساعدك على الاسترخاء، زي اليوجا أو التأمل، أو أقل القليل انك من وقت للتاني تتنفس بعمق خلال اليوم، هيساعدك على تخفيف التوتر. الأنشطة البدنية هتساعدك تتعامل مع التوتر، ممكن تتعلم أي رياضة تساعدك على الاسترخاء وتبعدك عن التوتر المستمر.

آخر نصيحة وأهمهم، انك تسعى للتقاعد المبكر، قبل سن الخمسين عزيزي الدكتور لازم تأمن لنفسك وأولادم مصدر دخل ثابت، تعتمد عليه وتبدأ الحياة. عشان تحقق لنفسك دخل سلبي ثابت شهريًا يأمنك من التضخم، ويأمن مستقبل أولادك، لازم تستثمر فلوسك دلوقتي في عقار مناسب وتجني ثمار استثمارك ده، راحة بال، واسترخاء طول الوقت، وأمان ليك ولأولادك.