استثمر وامتلك شاليه طول السنة

الإقبال على مدن البحر الأحمر مش بس من المصريين، الغردقة بتجذب الأجانب كمان وخصوصًا في بداية الشتاء، عشان كدة عدد السياح في البحر الأحمر بيزيد كل سنة، بسبب المقومات الطبيعية المميزة، بسبب موقع البحر الأحمر المميز لأن فيه أفضل مواقع الغوص، كمان تقدر تستمتع برحلات السفاري في الصحراء الشرقية، وفي المقال ده هنعرضلك أشهر المدن والأماكن الموجودة في البحر الأحمر عشان تختار مكان رحلتك الجاية.

الغردقة 

الغردقة من أكبر المدن الموجودة في محافظة البحر الأحمر، وفيها أفضل مراكز الغوص للمحترفين والهواة، الغردقة فيها أنشطة كتير تقتدر تستمتع بيها، الغردقة فيها عدة أحياء زي حي الدهار وحي السقالة اللي فيهم كل المحلات والمراكز التجارية ده غير الفنادق والمنتجعات العالمية، تعتبر الغردقة ثاني أكثر الوجهات اللي بيفضلها السياح في الشرق الأوسط حسب موقع TripAdvisor، وفيها أماكن مختلفة تقدر تزورها زي خليج مكادي، وجزيرة الجفتون أشهر جزر الغردقة بشاطئ رملي مميز، وتقدر هناك تشوف الطيور والأسماك النادرة. 

شرم الشيخ 

شرم الشيخ من أكبر مدن البحر الأحمر وخصوصًا جنوب سيناء، مؤخرًا أصبحت شرم الشيخ معروفة باسم شرم الشيخ مدينة السلام، لأنها كانت بتستضيف أغلب اتفاقيات السلام بين زعماء الدول، وفي السنوات الأخيرة استضافت منتدى شباب العالم، والفضل يرجع لمطار شرم الشيخ الدولي لأنه قرب المسافات بينها وبين باقي الدول، وطريق شرم الشيخ الجديد قصر المسافة بينها وبين القاهرة، شرم الشيخ بتتميز بشواطئها الجذابة ومياهها المناسبة للأنشطة البحرية المختلفة، وبتكون وجهة لكل السياح سواء مصريين أو أجانب باختلاف أيام السنة، لكن في فصل الشتاء بيكون عدد السياح اكتر بكتير، من أشهر مناطق شرم الشيخ خليج نعمة، وخليج نبق، وسوهو سكوير ومحمية رأس محمد.

العين السخنة 

العين السخنة هي منتجع سياحي مقتصر على الفنادق والمنتجعات، العين السخنة تناسب رحلات اليوم الواحد، لأنها أقرب لـ محافظة القاهرة من باقي مدن البحر الأحمر، من أشهر معالم العين السخنة هي العيون الكبريتية اللي بتساعد على الاستشفاء، واللي بتجذب أغلب السياح، العين السخنة بتضم فنادق ومنتجعات مختلفة زيبورتو السخنة، وفندق ستيلا دي ماري Stella Di Mare Golf.

سفاجا

 سفاجا على بعد حوالي 30 دقيقة من الغردقة، تمتاز سفاجا بشمسها المختلفة وجبالها العالية اللي بتساعد في تلطيف الجو ورمالها السوداء اللي فيها معادن مختلفة، عشان كدة سافاجا مشهورة بالسياحة العلاجية، وتعتبر وجهة لأغلب السياح للعلاج من أمراض المفاصل وأمراض تانية كتير، أما عن باقي الأنشطة في سفاجا هتلاقي رياضات مختلفة زي رياضة التزلج على الماء، والغوص للهواة وتقدر كمان تجرب الغوص مع القروش والحيوانات البحرية المختلفة في مراكز الغوص للمحترفين، أو رحلات اليخوت عشان تستمتع بنقاء مياه البحر الأحمر، غير ميناء سفاجا اللي يعتبر في المقام الأول ميناء تجاري وبيتجه منه الحجاج للسعودية في موسم الحج. 

طابا 

وجودك في طابا يعني وجودك على حدود 3 دول في نفس الوقت وهما فلسطين، والسعودية والأردن، هتلاقي في طابا قلاع زي قلعة صلاح الدين بسبب وجودها على الحدود، ده غير ان السياحة في طابا متنوعة ومختلفة. مش ممكن تروح طابا من غير ما تزور الوادي الملون اللي بيتكون من صخور رملية ملونة في شكل متاهة، محمية طابا بتضم أنواع نادرة من الحيوانات والطيور والكائنات البحرية المميزة، وتقدر كمان تجرب الغوص أو الاسترخاء على شاطئ مميز، كل اللي هتعمله انك تروح خليج فيورد طابا، وهتستمتع بمياه بحره اللي بتجمع بين اللونين الأزرق والأخضر في مكان واحد.

وبكدة تكون عرفت أهم المدن والأنشطة الموجودة على ساحل البحر الأحمر المميز، وتقدر تختار منها وجهتك السفرية الجاية، لأن شواطئ البحر الأحمر محتاجالها زيارة طويلة عشان تقدر تستمتع بجوها أنت وأسرتك وأصحابك.