ازاي تشتري عقار في مصر وانت بره

أنا ليه أصلاً أشترى عقار فى مصر وأنا عايش بره وهستفيد ايه؟ 

 زمان والناس كان عندها بعد نظر ان اكتر حاجة مضمونة الواحد يعرف يستثمر فيها فلوسه وتفضل تزيد مع مرور السنين هى شراء الاراضى، والاراضى تبقى عماير تتأجر ويطلع عائد شهرى او تتباع بمبلغ وقدره. وزاد عدد السماسرة فى تجارة الاراضى والعمارات علشان هى اكتر دخل مضمون. تخصص الموضوع اكتر وظهر على الساحة مطورين عقاريين ابتدوا ينفذوا مفهوم الكومبوند بأسوار للخصوصية، جواه خدمات مميزة مش هتلاقيها مع السماسرة فى العمارات العادية، اتشهروا علشان جودة الخدمات والتنظيم اللى سهل حياة ناس كتير وعيشتهم فى مستوى عمره ما قل. الثقة دلوقتى بقت فى أيد أشهر المطورين العقاريين دول وضمان الجودة والخدمة والعائد ان كنت مستثمر بقت معاهم. الناس بقت تأمن مستقبلها علشان يبقى فيه دخل مضمون زيادة بيطلع عائد شهرى يحسنلك مستوى معيشتك. كل المطوريين دلوقتى شغالين بنظام الأقساط على سنين طويلة علشان متحملش هم الدفع وميبقاش عليك أي عبئ مادي. ولكن لو انت عايش بره مصر ازاى تضمن عقار جوه بلدى للاستفادة القصوى وانت مش متواجد وهل ينفع؟ 

ليه استثمر فى العقارات؟ 

سافرت سنين طويلة واتغربت وسيبت بلدك وتعبت فى كسب فلوسك بالعملة الصعبة. فلوسك قيمتها بتقل فى جيبك لان التضخم والتقلبات الاقتصادية بتخلى اى مبلغ بتحوشه معندوش نفس القيمة الشرائية زى الاول. فلازم تستثمرها فى حاجة تحافظ على قيمتها بل وتزودها كمان أضعاف أضعافها، و ده مضمون كلياً فى العقارات، هى الحاجة الوحيدة اللى قيمتها عمرها ما بتقل. سوق العقارات واسع، فانت كمغترب ممكن تستثمر في ايه؟ اكتر حاجة ممكن تطلعلك عائد هو الاستثمار في المحلات او المكاتب. بالذات لو مع مطوريين معروفين فبيع وايجارات الأماكن مضمون. لو اجرت الوحدات اللى حوشت فيها فلوسك، تقدر تضمن عائد شهرى منتظم تزود بيه دخلك او لو قررت تستقر فى مصر، تقدر تسيب شغلك وتستريح وانت ضامن دخل ثابت من العقار بتاعك. 

ازاى استثمر فى العقارات وانا بره مصر؟ 

مش لازم تتعب وتكلف نفسك سفر رايح راجع علشان بس تستثمر فى عقار. دلوقتى العمليات دى بتم بأسهل الطرق. أولهم انك ممكن تستعين بمتخصص فى العقارات، علشان تتفادى عمليات النصب من السماسره، حط فلوسك مع مطور معروف بينكم شروط و احكام تضمنلك حقوقك. الاستشارى العقارى بيبقى دارس ومحلل كل مشاريع السوق و ممكن يرشحلك اللى يناسبك. بردو، مش لازم تبقى متواجد للتعاقد او الدفع، الشركات سهلت العملية دى بإنك تعمل توكيل تفوض بيه اى حد محل ثقة بالنسبالك يخلص أوراقك وانت مرتاح مكانك. بالنسبة لطرق الدفع، ممكن تدفع بالكاش و بتاخد عليه خصم كبير او بأقساط متساوية على سنين كتير علشان متحسش بيها. بتدفع عن طريق تحويل بنكى او عن طريق المفوض بالكاش. طيب مين المطورين اللى اقدر أثق فيهم و عندهم سابقة أعمال معروفة فى السوق؟ حسن علام، شركة تطوير مصر، شركة مدينة مصر، شركة رويال و غيرهم.

فى النهاية، علشان تضمن ان فلوسك تبقى فى أمان بخبرة استشاري عقارى متخصص بنرشحلك مشروع يلو، مجمع متخصص، فيه مبني اداري، طبي، تجاري، كل جزء منفصل عن التاني. تقدر في يلو تختار الوحدة اللي مساحتها تناسبك وفيه كل الخدمات اللي ممكن تحتاجها. بادر بالاستثمار فى العقارات، فهو السلاح الوحيد المضمون ضد ظاهرة التضخم والتقلبات الاقتصادية.