إيه الفرق بين الـSAT والـ ACT؟

أكتر حاجة بتهم الأمهات، مستقبل أولادهم، ومستقبل الأولاد في التعليم. مؤخرًا بقى أكتر سؤال بيسأله الأمهات دلوقتي هو ايه الأحسن الـSAT  ولا الـ ACT؟ وايه الأسهل؟

أولًا خلينا متفقين إن الـSAT  والـ ACT، الاتنين هما أشهر امتحانات للقبول في الجامعات الأمريكية، وأن فيه طلاب كتير بتختار تاخد الامتحانين لأن كل واحد فيهم بيغطي حاجات مختلفة عن التاني، ولكن الاختيار ده مش بيكون متاح للكل بسبب الوقت والفلوس، وفي حالة انك امتحنت الاتنين فالطالب بيختار يبعت الـ score الأعلى؛ بما إن أغلب الجامعات بتقبل الاتنين.

ما هو الـ SAT؟

بدأ استخدام الـSAT)  Scholastic Aptitude Test) لأول مرة سنة 1933، في جامعة هارفرد.بيهتم امتحان الـ SAT بقياس مهارات الطالب التحليلية وتفكيره النقدي. امتحان الـ SAT عبارة عن 3 ساعات (بدون جزء الـ Writing)، متقسمين كالآتي:

1. 65 دقيقة Reading

2. 35 دقيقة Writing & Language 

3. 80 دقيقة Math

4. 50 دقيقة Writing، وده بيكون اختياري

وترتيب أجزاء الامتحان في الـSAT مش ثابت، وعادةً الأسئلة بتحتاج وقت للقراءة والتفكير. جزء الـMath  بيركز على الـ Algebra، وبيكون متقسم لجزئين، في جزء واحد بيكون ممنوع على الطالب استخدام الـ Calculator، وده بيضايق طلاب كتير، عشان كدة لو الـ Math مش نقطة قوة في ابنك، يُفضل يختار امتحان الـACT. 

من أشهر الجامعات اللي بتحتاج شهادة امتحان الـ SAT:

1. Cornell University

2. Dartmouth College

3. Carnegie Mellon University

4. Wesleyan University

5. Stanford University

6. Massachusetts Institute of Technology

7. Pomona College

8. Harvey Mudd College

9. Georgetown University

10. Boston University

11. California Institute of Technology

12. Washington University in St. Louis

13. Occidental College 

14. Reed College

ماهو الـ ACT؟

بالنسبة لامتحان الـ ACT) American College Testing)، بدأ استخدامه سنة 1959، بيهتم بقياس مهارات الطالب التحليلية وتفكيره النقدي، ولكن بيركز كمان على المنهج الدراسي زي العلوم والتاريخ، عدد الأسئلة بيكون أكتر من عدد أسئلة الـ SAT وبتكون مباشرة أكتر، مدة الامتحان عبارة عن ساعتين و 55 دقيقة (بدون جزء الـ Writing الاختياري) متقسمين كالآتي:

1. 35 دقيقة Reading

2. 45 دقيقة English 

3. 60 دقيقة Math

4. 35 دقيقة Science 

5. 45 دقيقة Writing، ده بيكون اختياري

وهنا بيظهر أول فرق بين الـ SAT والـ ACT؛ لأن ترتيب أجزاء امتحان الـ ACT بيكون ثابت.

 امتحان الـ Writing

 بالنسبة لجزء الـ Writing، فهو اختياري وبيكون بمصاريف زيادة ومنفصلة عن مصاريف الامتحان.

طيب ناخد امتحان الـ Writing ولا لأ؟ دي حاجة بترجع للجامعة هل بتحتاجه ولا لأ، لو مش هتحتاجه فعندك الاختيار لكن اختيارك انك تمتحنه بيرفع من الـ Score بتاعك. الجدير بالذكر ان جامعات الـIvy league، وUniversity of Michigan، و University of Texasمش بتطلبه مؤخرًا.

من أشهر الجامعات اللي بتحتاج شهادة امتحان الـ ACT:

1. University of Central Florida

2. Simmons University

3. Georgetown University

4. University of Florida

5. Massachusetts Institute of Technology

6. Florida State University

7. University of Georgia

بالنسبة لـ Fees الامتحان بتختلف حسب سعر الدولار، والـ late registration. 

بالنسبة للفرق بين الـ Scores، الـ Chart ده هيساعدك في حساب الـ Score.