إزاي اأمن مستقبل أولادي؟

أولادك هم أهم حاجة في حياتك، اللي حياتك كلها بتدور عنهم وتفكيرك دايمًا مشغول بيهم وليهم، ياترى أكلوا كويس؟ ياترى بيذاكروا؟ ياترى عندهم أصحاب كويسين؟ كل الأسئلة دي وأكتر أكيد بتجي في بالك، وبتشغلك كل تفاصيلهم، وبتعتبر نفسك المسؤول عن كل تفاصيل حياتهم. 

أمِّن أولادك معنويًا:

جزء كبير من الكلام ده صح، انت فعًلا مسؤول عنهم، وأهم قرارات حياتهم الأولى انت اللي بتاخدها، زي هيسكنوا فين، وهيدخلوا مدارس ايه، وهيتعلموا رياضة ايه. بدافع الحب والخوف بتسأل نفسك دايمًا، هأمنهم إزاي؟ هيدرسوا في مصر ولا برا مصر؟ هيدرسوا في مدارس ناشونال ولا انترناشونال؟ عشان دايمًا بتحاول تلاقي أحسن حاجة ليهم على كل المستويات، أحسن بيت، وأحسن مدرسة. هنحاول نساعدك في التفكير في حل للأسئلة دي.

أولًا عشان تأمن أولادك بشكل معنوي، لازم تهتم بمشاعرهم وتكون أول حد يفكروا فيه لما يواجهوا مشكلة عشان عارفين ان عندك الحل، مش خايفين من العقاب. لازم تحاوطهم بمسافة آمنة تديهم حرية الحركة والاختيار لكن عينك تكون عليهم دايمًا، ممكن تحتاج أحيانًا انك تلجأ لشخص خبير أو تطلب المساعدة، وده مش غلط أبدًا، بالعكس الحل ده أحسن من انك تتصرف غلط وتتسبب لهم في مشكلة نفسية Trauma. هيساعدك في ده أكتر انك تختارلهم مدرسة تكون واثق فيها وفي القيم اللي هتقدمها لأولادك، لأن المدرسة هي تاني أكتر مكان بيقضوا فيه وقت بعد بيوتهم، فلازم تضمن البيئة اللي هيتعلموا فيها. 

تعرف على أفضل 5 مدارس في New Cairo

أمِّن أولادك ماديًا:

أمان أولادك المادي هو مسؤوليتك. ولازم تفكر من دلوقتي في مستقبلهم، زي ما فكرت في أمانهم المعنوي لازم تتأكد أن مستقبلهم المادي في أمان. 

الحل هو انك تشيل فلوسك في الجيب السليم وتستثمرها؛ لأن الفلوس الكاش قيمتها بتقل بالوقت بسبب التضخم. الاستثمار هيساعدك تضمن أمان أولادك المالي؛ لأن الاستثمار في الأصول، زي العقارات هيحافظ على قيمة فلوسك ومستقبل أولادك. وعلى المدى الطويل قيمة استثمارك هتزيد، لأن فلوسك هتكون بتشتغل معاك وهتقدر تعتمد عليها، وبكدة تكون اتطمنت على أولادك وان مستقبلهم في أمان ماديًا ومعنويًا.

 ولأن من أحسن الاستثمارات اللي ممكن تقوم بيها، هو انك تستثمر في أولادك. تقدر تعرف ازاي تستثمر في أولادك وإزاي استثمارك فيهم هيأثر عليهم، اعرف إزاي تستثمر في أولادك؟