أفضل 5 مدارس في New Cairo

عايز تضمن مستقبل ولادك؟ يبقى تضمنلهم تعليم كويس في مدارس تساعدهم يفهموا الدنيا بشكل أحسن، غالبًا هيقع الاختيار على المدارس الدولية (International Schools)، بتختلف المدارس حسب النظام التعليمي اللي بتتبعه، فيه مدارس British، ومدارس American. طب ايه الفرق بينهم وايه أفضل؟

وفقًا لـ International Schools Database، 91% من الآباء بيهتموا جدًا ان الـ instructors يكونوا أجانب، وان المدرسة توفر نشاطات لامنهجية (السباحة أو الرسم... إلخ). ووفقًا لنفس الـ Website، فآخر حاجة بيهتموا بيها هي الفلوس، وده حقيقي عشان مصلحة ولادنا أهم من الفلوس. وعشان كدة جمعنالك أحسن 5 مدارس في القاهرة الجديدة، عشان تكون متطمن على مستقبل أولادك، والبيئة اللي هيتعاملوا فيها.

1.  Aspire International School

• هي مدرسة تابعة للنظام البريطاني.

• المدرسة بتوفر اللغة الألمانية والفرنسية كلغة تانية. 

• الفصول كها مجهزة بشاشات LED. 

• المدرسة بتخضع لـ Cambridge Checkpoint Examinations، و  IGCSE Examinations. 

• المدرسة بتخضع لوزارة التربية والتعليم المصرية من حيث مواعيد التقديم.

• تقدم المدرسة خدمة الباص، ووجبات للطلاب، و2 ملعب خماسي، وملعب كرة قدم وسكواش، وجيم، وحمام سباحة

  
  

2. مدرسة الشويفات الدولية (The International School of Choueifat)

• تم إنشاء المدرسة في القاهرة عام 1995، كفرع من فروع مدارس الشويفات الدولية الموجودة في أكتر من دولة.

• المدرسة بتتبع منهج مؤسسة سابيس (SABIS) العالمية.

• بيتم تدريب الطلاب على الامتحانات، زي الـ IGCSEs، والـ Advanced Placement® (AP®)، وامتحان الـ EST المصري.

• المدرسة بتوفر وجبات للطلاب، وخدمة الباص، و3 حمامات سباحة، وملاعب تنس وكرة قدم، ومسرح، غير معامل  الـ Computer، وقاعة الندوات، والعيادة الطبية، والكافيتريا. 

• الرسوم السنوية لكل المراحل التعليمية بالمدرسة تترواح بين 90,000  جنيه و99,000 جنيه.

• سن القبول بيبدأ من 3 سنين ونص لـ 5 سنين ونص، ممكن تقدمي في المدرسة بعد بداية العام الدراسي. التقديم عن طريق الموقع الإلكتروني للمدرسة sekretariat@europaschulekairo.com 

3. مدرسة رويال البريطانية الدولية The Royal British International School

• تم إنشاء المدرسة في 2019.

• المدرسة بتعتمد على النظام البريطاني، وبتوفر تعلم اللغات الفرنسية والألمانية كلغة تانية. 

• الـ teachers كلهم native English speakers. 

• أقصي عدد للطلاب في الفصول 24 طالب، وبتوفر المدرسة أكتر من teaching assistant في الفصل الواحد، والفصول مجهزة بـ smart boards، و iPads. 

• بتتبع الدرسة نظام امتحانات الـ IGCSE. 

• من الأنشطة الرياضية اللي بتقدمها المدرسة، الـ Kayakeing، والسباحة، والسكواش، وكرة القدم والسلة.

• بالنسبة للتقديم عن طريق البريد الإلكتروني للمدرسة admissions@royalbritish.org. بيكون في مصاريف تسجيل أولى 18,000 جنيه، والـتكلفة السنة الدراسية بتساوي 200,000 جنيه. 

4. مدرسة كونكورديا الفرنسية الدولية Concordia Lycée International Français en Egypte

• تم إنشاء المدرسة في القاهرة سنة 1990.

• هي مدرسة خاصة معتمدة من وزارة التعليم الفرنسية، وجزء من الـ AEFE. 

• المدرسة تمنح شهادة البكالوريا الفرنسية (BAC). بتقدم المدرسة اللغة العربية والـ English كلغة تانية مع اللغة الأولى (الفرنسية). 

• التقديم عن طريق الـ application في الموقع الإلكتروني.

• بتقدم المدرسة خدمة الباص، وفيها حمام سباحة وملاعب كرة قدم، ومسرح.

• بتترواح مصاريف السنة الدراسية من 120,000 لـ 140,000 جنيه.

• رسوم التسجيل 10,000 جنيه.

5. المدرسة المصرية الدولية Egyptian International School EIS

• بدأت المدرسة فعليًا في أكتوبر سنة 2018.

• هي مدرسة دولية حكومية حصلت على شهادة تؤهلها لمنح طلابها شهادة الـ IB، اللي بتعادل البكالوريا الأمريكية.

• المدرسة مبتقدمش دراسة أي لغة تانية مع الـ English.

• المدرسة فيها جميع المراحل التعليمية، وسن القبول 4 سنين كحد أدنى. 

• عدد الطلاب في الفصل لا يزيد عن 24 طالب. 

• المدرسة معتمدة من وزارة التربية والتعليم المصرية، والـ (ISO) International Organization for Standardization. 

• مصاريف المدرسة بتبدأ من 10,000 لحد 19,000 جنيه، غير شاملة مصاريف الكتب.

• التقديم بيبدأ في شهر فبراير. والتقديم عن طريق الموقع الإلكتروني للمدرسة.

كـأولياء أمور لازم يكون تعليم أولادنا هو أولويتنا؛ عشان نضمن لهم مستقبل كويس. أيًا كان اختيارك للمدرسة، فدورك مش بينتهي هنا، بالعكس دورك في اللي جاي أهم بكتير؛ دورك في المتابعة لا يقل أهمية عن دور المدرسة في التعليم؛ فلازم يكون في متابعة مستمرة منك للطالب ومستواه التعليمي.